ક્રિટેલ® નીંદણનાશક

ક્રિટેલ^® નીંદણનાશકમાં મેટામિફૉપ દવા એ અન્ય દવા સાથે મિશ્રિત કરી શકાય એવા દ્રાવણના રૂપમાં હોય છે. તે સીધા વાવેલા ધાન (ડીએસઆર) માં દર વર્ષે ઊગતા કે કાયમી ઘાસ પ્રકારના નીંદણને રોકવા માટે, અમુક પ્રકારના નીંદણ માટે અને નીંદણ ઊગ્યા બાદ કાર્ય કરતું નીંદણનાશક છે. ક્રિટેલ^® નીંદણનાશક એ એઓપીપી – એરીલ ઓક્સી ફેનોક્સી પ્રોપિયોનિક એસિડ જૂથની બનાવટનું નીંદણનાશક છે, જે ઉત્તમ રીતે પ્રતિકાર કરે છે. બહોળા નિયંત્રણ માટે ક્રિટેલ^® નીંદણનાશકને બીએલડબલ્યુ (પહોળા પાંદડાવાળા નીંદણ) અને ડાભ જેવા ઘાસ માટે એક ટાંકીમાં ભેળવીને ઉપયોગ કરવો. તેનો ઉપયોગ ઘાસ ઊગ્યા પહેલા નથી કરવામાં આવતો અને તે માટીમાં જળવાઈ રહેતું નથી. આ દવા પાંદડાઓ દ્વારા ઝડપથી શોષી લેવામાં આવે છે અને જ્યાં સક્રિય રીતે વૃદ્ધિ થતી હોય ત્યાં (મેરીસ્ટેમ) પહોંચી જાય છે અને કોષોના વિભાજનને અવરોધીત કરે છે અને મેરીસ્ટેમેટિક પ્રવૃત્તિને રોકે છે. ક્રિટેલ^® નીંદણનાશકને લિપિડ સંશ્લેષણના અવરોધક (એસિટિલ-કોએન્ઝાઈમ એ કાર્બોક્સિલેઝ અવરોધક) તરીકે વર્ગીકૃત કરવામાં આવેલ છે. તે નાશ કરવામાં મુશ્કેલ એવા નીંદણ જેમકે ઍચીનોક્લોઆ એસપીપી, ડેક્ટીલોક્ટેનિયમ ઇજીપ્શિયમ, ડિજિટેરિયા એસપીપી વગેરે પર ખૂબ અસરકારક છે.