ಭಾರತದ ಪನೋಲಿ ಘಟಕವು ಎಫ್ಎಂಸಿಯ ಮೊದಲ ಮಳೆ ನೀರು ಕೊಯ್ಲು ಘಟಕವಾಗಿದೆ

ಸ್ವಾವಲಂಬನೆ ಮತ್ತು ಸುಸ್ಥಿರತೆಯನ್ನು ಹೆಚ್ಚಿಸಲು, ಗುಜರಾತ್ ರಾಜ್ಯದಲ್ಲಿನ ಎಫ್ಎಂಸಿ ಇಂಡಿಯಾದ ಪನೋಲಿ ಉತ್ಪಾದನಾ ಘಟಕವು ಎರಡು ಮಳೆ ನೀರು ಕೊಯ್ಲು ಘಟಕಗಳನ್ನು ಸ್ಥಾಪಿಸಿದೆ, ಇವು ಮಳೆಗಾಲದಲ್ಲಿ ವಾರ್ಷಿಕವಾಗಿ 2,500 ಕಿಲೋ ಲೀಟರ್‌ಗಿಂತ ಹೆಚ್ಚು ಮಳೆ ನೀರನ್ನು ಸಂಗ್ರಹಿಸುವ ನಿರೀಕ್ಷೆಯಿದೆ. 

ಹವಾಮಾನ ಶಾಸ್ತ್ರದ ದತ್ತಾಂಶದ ಪ್ರಕಾರ, ಪ್ರತಿವರ್ಷ ಸರಾಸರಿ 970 ಮಿ.ಮೀ. ಮಳೆಯಾಗುವುದರಿಂದ ಘಟಕ-1 ಮತ್ತು ಘಟಕ-2 ಕ್ರಮವಾಗಿ ವಾರ್ಷಿಕವಾಗಿ ಕನಿಷ್ಠ 1,560 ಕಿಲೋ ಲೀಟರ್ ಮತ್ತು 906 ಕಿಲೋ ಲೀಟರ್ ನೀರನ್ನು ಸಂಗ್ರಹಿಸುತ್ತದೆ.

ಈ ತೊಡಗುವಿಕೆಯು ಎರಡು ಪ್ರಯೋಜನಗಳನ್ನು ತರುತ್ತದೆ. ಮೊದಲನೆಯದಾಗಿ, ನಷ್ಟವಾಗಿ ಹೋಗುತ್ತಿದ್ದ ನೀರಿನ ಮಳೆ ಕೊಯ್ಲು ಮತ್ತು ಮರುಬಳಕೆ ಆಗುತ್ತಿದೆ. ಎರಡನೆಯದಾಗಿ, ಇದು ಬಾಹ್ಯ ನೀರು ಪೂರೈಕೆ ಮೂಲಗಳ ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡಿದೆ.

ಮಳೆನೀರು ಕೊಯ್ಲಿಗೆ ಬಳಸುವ ಛಾವಣಿಯ ಮೇಲ್ಭಾಗದ 3, 000 ಚದರ ಮೀಟರ್ ಮೇಲೆ ಮಳೆ ಬಿದ್ದಾಗ, ಅದು ನೀರಿನ ಪೈಪ್‌ಗಳ ಮೂಲಕ ಛಾವಣಿಯಿಂದ ಶೇಖರಣಾ ಟ್ಯಾಂಕ್‌ಗೆ ಹರಿದು, ಶುದ್ಧೀಕರಣಗೊಂಡು ಮತ್ತು ನಂತರ ಮರು ಬಳಕೆಗಾಗಿ ಕಚ್ಚಾ ನೀರು ಶೇಖರಣಾ ಟ್ಯಾಂಕ್‌ಗೆ ಪಂಪ್ ಆಗುತ್ತದೆ. 74 ಸಾವಿರ ಲೀಟರ್ ನೀರನ್ನು ಇಲ್ಲಿಯವರೆಗೆ ಸಂಗ್ರಹಿಸಲಾಗಿದೆ.