ಕೀಟನಾಶಕಗಳ ತಪ್ಪು ನಿರ್ವಹಣೆಯು ಮಹಾರಾಷ್ಟ್ರದಲ್ಲಿ ದೀರ್ಘಾವಧಿಯ ಸಮಸ್ಯೆಯಾಗಿದೆ. ಬೆಳೆ ಸಂರಕ್ಷಣೆ ಉತ್ಪನ್ನಗಳ ತಪ್ಪಾದ ಬಳಕೆಯಿಂದ 2017 ನೇ ಇಸವಿಯಲ್ಲಿ ಯವತ್ಮಾಳ ಮತ್ತು ಸುತ್ತಲಿನ ಜಿಲ್ಲೆಗಳು 30 ರೈತರು ಮತ್ತು ಕೃಷಿ ಕಾರ್ಮಿಕರ ದಾರುಣ ಸಾವಿಗೆ ಸಾಕ್ಷಿಯಾದವು. ಆ ದುರಂತದ ನಂತರ ಮಹಾರಾಷ್ಟ್ರ ಕೃಷಿ ಇಲಾಖೆಯು ವಿವಿಧ ಕೃಷಿ ರಾಸಾಯನಿಕ ಕಂಪನಿಗಳ ಸಹಯೋಗದೊಂದಿಗೆ ಕೀಟನಾಶಕಗಳ ಸುರಕ್ಷಿತ ಬಳಕೆಯ ಬಗ್ಗೆ ಜಾಗೃತಿ ಮೂಡಿಸುವ ಕಾರ್ಯಕ್ರಮವನ್ನು ಪ್ರಾರಂಭಿಸಿದೆ.
ನಾವು, ಎಲ್ಲಾ ರೈತ ಸಹಾಯ ಕೇಂದ್ರಗಳಲ್ಲಿ ಎಫ್ಎಂಸಿ ನಿರ್ವಹಣೆ ಕಾರ್ಯಕ್ರಮವನ್ನು ನಮ್ಮ ಪ್ರಮುಖ ಜವಾಬ್ದಾರಿಗಳಲ್ಲಿ ಒಂದಾಗಿಸಿದ್ದೇವೆ. 2018 ಮತ್ತು 2019 ರಲ್ಲಿ ಎಫ್ಎಂಸಿ, ಕೃಷಿ ಇಲಾಖೆಯ ಸಹಯೋಗದೊಂದಿಗೆ ಚಂದ್ರಪುರ ಜಿಲ್ಲೆಯಲ್ಲಿ ಈ ಸಮಸ್ಯೆಯ ಬಗ್ಗೆ ದೊಡ್ಡ ಮಟ್ಟದಲ್ಲಿ ಜಾಗೃತಿಯನ್ನು ಮೂಡಿಸಿದೆ. ಈ ವರ್ಷ ಅಕೋಲಾ ಜಿಲ್ಲೆಯಲ್ಲಿ ರೈತರಿಗೆ ಕೀಟನಾಶಕಗಳ ಸುರಕ್ಷತಾ ಜಾಗೃತಿ ಕಾರ್ಯಕ್ರಮಗಳನ್ನು ನಡೆಸಲು ಎಫ್ಎಂಸಿಯನ್ನು ನೋಡಲ್ ಕಂಪನಿಯಾಗಿ ನೇಮಿಸಲಾಗಿದೆ.
ಕೃಷಿ ಇಲಾಖೆ, ಆರೋಗ್ಯ ಇಲಾಖೆ ಮತ್ತು ಕೆವಿಕೆಗಳ ಸಹಯೋಗದೊಂದಿಗೆ ನಾವು 
ಈ ವಿಷಯದಲ್ಲಿ ವಿವಿಧ ಅಭಿಯಾನಗಳನ್ನು ನಡೆಸುತ್ತಿದ್ದೇವೆ . ಹೆಚ್ಚಿನ ಪರಿಣಾಮವನ್ನು ಖಚಿತಪಡಿಸಿಕೊಳ್ಳಲು ಜಿಲ್ಲೆ ಮತ್ತು ತಾಲೂಕು ಮಟ್ಟದ ಅಧಿಕಾರಿಗಳ ನಿಕಟ ಸಮನ್ವಯದಲ್ಲಿ ವ್ಯಾನ್ ಅಭಿಯಾನಗಳನ್ನು ನಡೆಸಲಾಗುತ್ತಿದೆ. ಮೊದಲ ವ್ಯಾನ್ ಅಭಿಯಾನವನ್ನು ಅಕೋಲಾದ ಜಿಲ್ಲಾಧಿಕಾರಿ ಮಾನ್ಯ ಶ್ರೀ ಜಿತೇಂದ್ರ ಪಾಪಡ್ಕರ್ ಅವರು ಉದ್ಘಾಟಿಸಿದರು.
ಆತ್ಮ (ಕೃಷಿ ತಂತ್ರಜ್ಞಾನ ನಿರ್ವಹಣಾ ಸಂಸ್ಥೆ) ಸಹಯೋಗದೊಂದಿಗೆ, ನಾವು ಕೇವಲ ಅಕೋಲಾ ಜಿಲ್ಲೆಯಲ್ಲಿ ಮಾತ್ರವಲ್ಲದೆ, ಸುತ್ತಲಿನ ಇತರೆ 4 ಜಿಲ್ಲೆಗಳ ಸಾವಿರಾರು ರೈತರಿಗೆ ಪಿಪಿಇ ಕಿಟ್‌ಗಳನ್ನು ವಿತರಿಸುತ್ತಿದ್ದೇವೆ. ಪ್ರತಿಯೊಂದು ಕಿಟ್‌ ಏಪ್ರನ್, ಮಾಸ್ಕ್, ಕಣ್ಣಿನ ರಕ್ಷಣಾ ಸಾಧನ ಮತ್ತು ಕೈಗವಸುಗಳನ್ನು ಒಳಗೊಂಡಿದೆ. ವ್ಯಾನ್ ಅಭಿಯಾನಗಳನ್ನು ಸೀಮಿತ ಗುಂಪಿನ ರೈತರ ಸಭೆಗಳನ್ನು ನಡೆಸಲು ಮತ್ತು ಪಿಪಿಇ ಕಿಟ್‌ಗಳ ಬಳಕೆ ಮತ್ತು ಅದರ ಪ್ರಾಮುಖ್ಯತೆಯ ಕುರಿತು ತರಬೇತಿ ನೀಡಲು ಬಳಸಲಾಗುತ್ತಿದೆ. ಟಿಎಒ ಗಳು (ತಾಲೂಕು ಕೃಷಿ ಅಧಿಕಾರಿಗಳು) ಕೂಡಾ ನಮ್ಮ ಅಭಿಯಾನದಲ್ಲಿ ಭಾಗವಹಿಸಿದ್ದರು ಮತ್ತು ವಿವಿಧ ಬೆಳೆಗಳ ಮೇಲೆ ಕೀಟನಾಶಕಗಳ ಸುರಕ್ಷಿತ ಬಳಕೆಯ ಕುರಿತು ರೈತರು ಮತ್ತು ಕೃಷಿ ಕಾರ್ಮಿಕರಿಗೆ ಮಾಹಿತಿ ನೀಡಿದರು.
ಇಲ್ಲಿಯವರೆಗೆ, ಈ ಅಭಿಯಾನದ ಅಡಿಯಲ್ಲಿ ನಾವು 115 ಹಳ್ಳಿಗಳ 5000 ಕ್ಕೂ ಹೆಚ್ಚು ರೈತರು ಮತ್ತು ಕೃಷಿ ಕಾರ್ಮಿಕರನ್ನು ತಲುಪಿದ್ದೇವೆ. ನಮ್ಮ ಅಭಿಯಾನದ ವ್ಯಾಪ್ತಿಯನ್ನು ವಿಸ್ತರಿಸಲು ಮತ್ತು ಬೆಳೆ ಸಂರಕ್ಷಣೆ ಉತ್ಪನ್ನಗಳ ಸುರಕ್ಷಿತ ಬಳಕೆಯನ್ನು ಖಚಿತಪಡಿಸಲು ರಾಜ್ಯ ಸರ್ಕಾರಗಳೊಂದಿಗೆ ನಿಕಟವಾಗಿ ಕೆಲಸ ಮಾಡುತ್ತಾ ಜಾಗೃತಿಯನ್ನು ಹೆಚ್ಚಿಸಲು ನಾವು ಬದ್ಧರಾಗಿದ್ದೇವೆ.