దీనిని పరిష్కరించడానికి, సంస్థలు గుర్తించిన సవాళ్లను యుద్ధ ప్రాతిపదికన పరిష్కరించాలి. దీనిని చేయడానికి సులభమైన మార్గం ఏంటంటే కార్పొరేట్ ఇకోసిస్టమ్‌లోని ఉత్తమ పద్ధతుల నుండి నేర్చుకోవడం, వ్యవసాయం మరియు సంబంధిత పరిశ్రమల కోసం మంచిగా సరిపోయేదానిని కనుగొనడం.
అనేక విభిన్న రంగాలలో బలమైన ముద్ర వేసినప్పటికీ, వ్యవసాయం మరియు అనుబంధ పరిశ్రమలలో కార్పొరేట్ స్థాయిలో మహిళా ప్రతిభకు తీవ్ర కొరత ఉంది. దీనికి అనేక కారణాలు ఉన్నాయి మరియు వీటిలో చివరి దశలో సదుపాయాల కొరత, రక్షణ మరియు భద్రతా సమస్యలు, ఇకోసిస్టమ్‌లో ఇప్పటికే ఉన్న లింగ పక్షపాతం, లైంగిక వేధింపులు మరియు కీలకమైన నిర్ణయం తీసుకునే పాత్రలలో మహిళలను అంగీకరించడానికి సమాజం అసమర్థత వంటివి ఉన్నాయి.
వ్యవసాయ భూములు, సరఫరా గొలుసులు, ఎరువులు మరియు ఇతర అనుబంధ పరిశ్రమలలో ఎంత మంది మహిళలు భారతీయ వ్యవసాయ రంగంలో పేరు మరియు బలమైన వృత్తిని సంపాదించుకుంటున్నారు? అనగా, వ్యవసాయ భూములలో పాపమ్మల్, అపర్ణ రాజగోపాల్, రహీబాయి సోమ పోపరే, కమలా పుజారి లని మించి? మరింత లాభదాయకమైన రంగాలను వదిలి వ్యవసాయ స్టార్టప్‌లను సృష్టించిన సకీనా రాజ్‌కోట్‌వాలా మరియు గీతా రాజమణి వంటి డైనమిక్ మహిళలకు మించి, చాలా మంది మహిళలు కెరీర్ మార్గం కోసం వ్యవసాయ వ్యాపారాలలోకి ప్రవేశించలేదు.
ఇప్పుడు అవసరం అయినది
ఈ రంగంలోని అన్ని అంశాలు పురుషులకు అనుకూలంగా ఉండటంతో, మహిళలు మరింత లాభదాయకమైన కెరీర్ ఎంపికల కోసం ఈ రంగాన్ని వదిలేయటమో లేదా అధ్వాన్నంగా, వ్యవసాయం లేదా దాని అనుబంధ రంగాలలో విద్యను కలిగి ఉన్నవారు కూడా మరెన్నడూ ఈ రంగంలోకి అడుగుపెట్టకపోవటం వంటివి చేసారు.
భారతీయ వ్యవసాయం మరియు అనుబంధ రంగం ఒక పరిశ్రమగా వారిని మరింత కలుపుకొని పోవడమే కాకుండా, మరింత మంది మహిళలను ఆకర్షించడానికి, పెంచి పోషించడానికి మరియు కీలక పాత్రల్లోకి తీసుకురావడానికి ఒక వేదికగా మార్చడానికి స్పష్టమైన పిలుపు ఉంది.
అనుబంధ పరిశ్రమలైన – వ్యవసాయ ఇన్‍పుట్ సరఫరాదారులు, హోల్‌సేలర్లు మరియు పంపిణీదారులు, రిటైలర్లు, వ్యవసాయ-మార్కెటింగ్, ఎరువులు మరియు కీటక నాశినిలు, మెషినరీ, జంతువులు, ఇన్‍పుట్ మెటీరియల్స్, సరఫరా గొలుసులు, లాజిస్టిక్స్ మరియు మరిన్ని వాటిలో మహిళలు ఉన్నత స్థానాల్లో కాకపోయినా సమాన స్థాయిని కలిగి ఉండటం ప్రారంభించాలి. స్కాలర్‌షిప్‌లు/గ్రాంట్‌లను అందించడం ద్వారా వ్యవసాయ కళాశాలలలో గ్రాడ్యుయేట్ లేదా పోస్ట్-గ్రాడ్యుయేట్ స్థాయి నుండి మహిళల ప్రతిభను గుర్తించడం మరియు తీర్చిదిద్దడం ద్వారా ఇది జరుగుతుంది. లేదా లేదా వివిధ మహిళా సమూహాలతో టాలెంట్ ప్రొక్యూర్‌మెంట్ యొక్క దీర్ఘకాలిక పైప్‌లైన్‌ను నిర్మించడం లేదా వ్యవసాయంలో మహిళలు మెరుగ్గా వినడానికి, ప్రాతినిధ్యం వహించడానికి సమ్మిట్‌లు మరియు నెట్‌వర్కింగ్ ఈవెంట్‌లను సృష్టించడం ద్వారా కావచ్చు.
దీనిని పరిష్కరించడానికి, సంస్థలు గుర్తించిన సవాళ్లను యుద్ధ ప్రాతిపదికన పరిష్కరించాలి. దీనిని చేయడానికి సులభమైన మార్గం ఏంటంటే కార్పొరేట్ ఇకోసిస్టమ్‌లోని ఉత్తమ పద్ధతుల నుండి నేర్చుకోవడం, వ్యవసాయం మరియు సంబంధిత పరిశ్రమల కోసం మంచిగా సరిపోయేదానిని కనుగొనడం.
సవాళ్లను అధిగమించడం
వ్యాపారం యొక్క తొలి ప్రాధాన్యత దేశవ్యాప్తంగా మెరుగైన సదుపాయాలు మరియు మౌలిక సదుపాయాలను, ముఖ్యంగా చివరి దశలో సృష్టించడం అయి ఉండాలి. కంపెనీలు తమ తొలి ప్రాధాన్యత కలిగిన ప్రదేశాల పై దృష్టి పెట్టడం ద్వారా అలా చేయవచ్చు. వివిధ ప్రదేశాలలో మౌలిక సదుపాయాలను పెంచడంలో ప్రభుత్వంతో పబ్లిక్ ప్రైవేట్ భాగస్వామ్యాలను కూడా పరిశీలించే అవకాశం ఉంది.
దీనికి అదనంగా, ఇకోసిస్టమ్ మరియు సామాజిక అవరోధాలలో లింగ వివక్ష సమస్యను ఎదుర్కోవలసిన అవసరం ఉంది. దీనిని అనేక విధాలుగా పరిష్కరించవచ్చు. వారి స్వంత ఉద్యోగులు మరియు పరిధిలో, పని ప్రదేశాలలో లింగ వివక్షతకు తావు లేకుండా సంస్థలు కౌన్సెలింగ్ కార్యక్రమాలను ఏర్పాటు చేయవచ్చు. దీనికి అదనంగా, కుటుంబ స్థాయిలో కూడా ఈ సమస్యను పరిష్కరించవలసి ఉంటుంది, ఇందుకోసం ప్రభుత్వం మరియు విద్యా వ్యవస్థ భాగస్వామ్యం కూడా అవసరం. ఇది రాత్రికి రాత్రే జరిగే మార్పు కాదు, దశల వారీగా దీర్ఘకాలంలో అనుసరించవలసి ఉంటుంది.
భద్రత మరియు లైంగిక వేధింపులు కూడా, చాలా వరకు, సంస్థ స్థాయిలో మరియు విస్తృత పరిధిలో అవగాహన కలిపిస్తూ, సహాయ విధానాలు అనుసరించడం ద్వారా పరిష్కరించవచ్చు.
వివిధ సంస్థలు ఇప్పటికే అనేక మంచి కార్యక్రమాలు చేపట్టాయి. తదుపరి కొన్ని సంవత్సరాల్లో 50:50 లింగ నిష్పత్తిని సాధించడానికి మేము విమెన్ ఇనిషియేటివ్ నెట్‌వర్క్ (విన్) కార్యక్రమం ప్రారంభించాము. దీనికి అదనంగా, మహిళా ప్రతిభను ఆకర్షించడానికి మహిళలకు 50% కేటాయింపుతో మేము మల్టీ-ఇయర్ సైన్స్ లీడర్స్ స్కాలర్‌షిప్ ప్రోగ్రామ్‌ను ప్రారంభించాము. ఇటువంటి కార్యక్రమాలు ఇప్పుడు వేగవంతం అవ్వాలి. జీవితంలో ముందుకు సాగడానికి మహిళలను ప్రోత్సహించి, ప్రేరణ కలిగించే మెంటరింగ్ మరియు నెట్‌వర్కింగ్ ఫోరమ్‌లు, స్కాలర్‌షిప్‌లు, విద్యా రుణాలు, ప్రభుత్వం ద్వారా ఎస్ఒపి లు మరియు ఒక మెరుగైన బ్యాక్ఎండ్ సపోర్ట్ సిస్టమ్ వంటివి ఈ ప్రయత్నంలో చాలా సహకరిస్తాయి.
ముందుకు సాగడానికి మార్గం
అట్టడుగు స్థాయిలో మహిళల పాత్ర మెరుగు పడుతున్నప్పటికీ, వ్యవసాయం మరియు వ్యవసాయ ఆధారిత వ్యాపారాలలో ఉన్నత స్థాయి మేనేజ్మెంట్‌లో మహిళల నాయకత్వం కూడా పెరగాలి. మహిళలు ముందుకు వచ్చి సమాన అవకాశాలు మరియు నాయకత్వ పాత్రలను అడగవలసిన సమయం ఇది మరియు అనుబంధ రంగాలలోని సంస్థలకు వాటిని అందించడానికి ఇది ఖచ్చితమైన సమయం.
ఇంద్రా నూయి, దెబ్‌జానీ ఘోష్, రోషిణి నాడర్ వంటి వారిని ఆదర్శంగా తీసుకున్నట్లే త్వరలో మనము గుర్‌దేవ్ కౌర్ డియోల్ మరియు కావ్య చంద్ర వంటి వారిని కూడా అదే దృష్టితో చూడడం ప్రారంభిస్తాము.