ଏଫଏମସି ର 'ସମର୍ଥ' ଭାରତରେ ଜଳ ପରିଚାଳନା ଓ ସ୍ଥାୟୀ କୃଷିକୁ ପ୍ରୋତ୍ସାହିତ କରିଛି

ଏଫଏମସି ଇଣ୍ଡିଆ କୃଷକମାନଙ୍କୁ ନିଜର ସାମୁଦାୟିକ ଆଉଟରିଚ୍ କାର୍ଯ୍ୟକ୍ରମ – ସମର୍ଥ ପରିଯୋଜନା ମାଧ୍ୟମରେ ଏକ ଉନ୍ନତ ଓ ସମୃଦ୍ଧିଶାଳୀ ଜୀବନ ଦିଗରେ ସହାୟତା କରୁଛି।

କମ୍ପାନୀ ଚାରିଟି ମୁଖ୍ୟ ବିଷୟ ଉପରେ ଧ୍ୟାନ କେନ୍ଦ୍ରିତ କରି ଭାରତୀୟ କୃଷକ ପରିବାରର ଜୀବନରେ ପରିବର୍ତ୍ତନ ଆଣିବା ପାଇଁ ପ୍ରତିଶ୍ରୁତିବଦ୍ଧ ଅଟେ: ସୁରକ୍ଷିତ ଜଳ ଓ ଉତ୍ତମ ସ୍ୱାସ୍ଥ୍ୟ, ଉତ୍ତମ କୃଷି ପଦ୍ଧତି, କୃଷିରେ ବିଜ୍ଞାନ ଏବଂ କୃଷିରେ ମହିଳାମାନଙ୍କର ସଶକ୍ତିକରଣ।

ପ୍ରକଳ୍ପ ସମର୍ଥ ର ସ୍ତମ୍ଭ ଭାବରେ ବିଭିନ୍ନ କୃଷକ-କେନ୍ଦ୍ରିତ ପରିଯୋଜନା ଚାଲୁ ରହିଛି କିମ୍ବା ଆରମ୍ଭ କରାଯାଉଛି. ଉଦାହରଣ ସ୍ୱରୂପ, ପ୍ରକଳ୍ପ ସମର୍ଥ ଅଧୀନରେ ସୁରକ୍ଷିତ ଜଳ ଅଭିଯାନ ସଂଯୁକ୍ତ ରାଷ୍ଟ୍ର ସ୍ଥାୟୀ ବିକାଶ ଲକ୍ଷ୍ୟ (ଏସଡିଜି) 6.1 କୁ ସିଧାସଳଖ ଭାବରେ ସମର୍ଥନ କରୁଛି, ଯାହା ଜରିଆରେ "ସମସ୍ତଙ୍କୁ 2030 ସୁଦ୍ଧା ସ୍ଵଚ୍ଛ ଓ ଉତ୍ତମ ପାନୀୟ ଜଳ ଯୋଗାଣ ପାଇଁ ଲକ୍ଷ୍ୟ ଧାର୍ଯ୍ୟ କରାଯାଇଛି।" ଏହି ଅଭିଯାନ ମାଧ୍ୟମରେ ଏଫଏମସି ଇଣ୍ଡିଆ ଆଗାମୀ ତିନି ବର୍ଷ ମଧ୍ୟରେ ଭାରତରେ 200,000 କୃଷକ ପରିବାର ପାଇଁ ସ୍ଵଚ୍ଛ ଓ ପାନୀୟ ଜଳ ଉପଲବ୍ଧ କରାଇବାର ଆଶା ରଖିଛି।

ସୁରକ୍ଷିତ ଜଳ ଅଭିଯାନ ଅନ୍ତର୍ଗତ, କମ୍ପାନୀ 2019 ରେ 15 ଜଳ ଫିଲଟ୍ରେସନ୍ ପ୍ଲାଣ୍ଟ ର ସ୍ଥାପନା କରିଛି। ପ୍ରତ୍ୟେକ ପରିବାର ପାଇଁ ସ୍ୱାଇପ୍ କାର୍ଡ ଜରିଆରେ ସ୍ଵଚ୍ଛ ଜଳ ଉପଲବ୍ଧ କରାଇବା ପାଇଁ ବିତରଣ ୟୁନିଟ୍ ସ୍ଥାପନା କରାଯାଇଛି ଯାହା ମାଧ୍ୟମରେ 20 ଲିଟର ପାଣି ମିଳିଥାଏ। ଏହି ପ୍ଳାଣ୍ଟ ଗୁଡ଼ିକ ଗ୍ରାମ ସମୁଦାୟ ଦ୍ଵାରା ସହଯୋଗୀତା ଆଧାରରେ ରକ୍ଷଣାବେକ୍ଷଣ କରାଯାଇଥାଏ ଏବଂ ସ୍ଥାନୀୟ ଏଫଏମସି କର୍ମଚାରୀମାନେ ସ୍ଥାନୀୟ ସମୁଦାୟକୁ ପ୍ଳାଣ୍ଟ ଗୁଡ଼ିକର ପରିଚାଳନାରେ ସହାୟତା ଓ ମାର୍ଗଦର୍ଶନ କରିଥାଆନ୍ତି।

ଜନ ସମୁଦାୟ ଉପରେ ଏହି ଅଭିଯାନର ପ୍ରଭାବ ବିଷୟରେ ବ୍ୟାଖ୍ୟା କରି ରାମୁଆପୁର ଗାଁ ର ଜଣେ ବାସିନ୍ଦା କୁହନ୍ତି, ''ଜଳ ପ୍ଳାଣ୍ଟ ସ୍ଥାପନା ପରେ, ଜଳଜନିତ ରୋଗ ସଂକ୍ରମଣର ହାର ପ୍ରାୟ 50 ଶତକଡା କମ୍ ହୋଇଛି। ଆହୁରି ମଧ୍ୟ, ଏହା ଫଳରେ ଆମେ ଏହି ରୋଗର ଚିକିତ୍ସା ପାଇଁ ଲାଗୁଥିବା ଖର୍ଚ୍ଚରୁ ରକ୍ଷା ପାଇପାରିଛୁ।”

2020 ମସିହାରେ, କମ୍ପାନୀ ଉତ୍ତର ପ୍ରଦେଶ ରାଜ୍ୟରେ ଆଖୁ ସମବାୟ ସମିତିଗୁଡ଼ିକରେ 52 ଟି ଜଳ ବିଶୋଧନ ୟୁନିଟ୍ ସ୍ଥାପନ କରିଛି ଯେଉଁଥିରେ ଶୁଦ୍ଧତା, କୁଲର୍ ଓ ସଂରକ୍ଷଣ ସୁବିଧା ପ୍ରଦାନ କରାଯାଇଛି। ଏହି ୟୁନିଟ୍ ଗୁଡ଼ିକର ପ୍ରତି ଘଣ୍ଟାରେ 40 ଲିଟର ଶୁଦ୍ଧ କରିବା କ୍ଷମତା ରହିଛି. ଏହା ଫଳରେ ଚିନି ସମବାୟ ସମିତିକୁ ଆସୁଥିବା କୃଷକ ଓ ପରିଦର୍ଶକ ମାନେ ବର୍ଷ ସାରା ଶୁଦ୍ଧ ଓ ଥଣ୍ଡା ଜଳ ପାଇପାରିବେ। ଏହା ମାର୍ଚ୍ଚ 2021 ରେ 27 ଟି ନୂଆ ସାମୁଦାୟିକ ଜଳ ବିଶୋଧନ ୟୁନିଟ ର ସ୍ଥାପନା ସହିତ ଆହୁରି ଅଧିକ ବୃଦ୍ଧି ହୋଇଛି। ଉତ୍ତର ପ୍ରଦେଶ ଓ ପଞ୍ଜାବ ରେ ଥିବା 120 ଟି ଗାଆଁର 80,000 କୃଷକ ପରିବାର ଏହି ଅଭିଯାନରୁ ଏବେ ଲାଭ ପାଇବେ ବୋଲି ଆଶା କରାଯାଉଛି। ମିଥିଲେଶ, ଏହି ସୁବିଧା ପ୍ରଦାନ କରିଥିବା ପାଇଁ ଏଫଏମସି କୁ ଧନ୍ୟବାଦ ଦେଇଛନ୍ତି କାରଣ ଏହା ତାଙ୍କର ପରିବାରକୁ ଆରାମ ପ୍ରଦାନ କରି ସେମାନଙ୍କର ସମୟ ଓ ଶକ୍ତି ବଞ୍ଚାଇବାରେ ସାହାଯ୍ୟ କରିଛି। ଅନ୍ୟ ଜଣେ ଗ୍ରାମବାସିନ୍ଦା କହିଛନ୍ତି, "ଏହି ପରିଯୋଜନା କେବଳ ଆମର ଆର୍ଥିକ ସ୍ଥିତିକୁ ଉନ୍ନତ କରିବାରେ ସାହାଯ୍ୟ କରି ନାହିଁ ବରଂ ତା ସହିତ ସେବା ପାଇଥିବା ପରିବାର ଗୁଡ଼ିକ ମଧ୍ୟରେ ସ୍ୱାସ୍ଥ୍ୟ, ଆନନ୍ଦ ଓ ମାନସିକ ଶାନ୍ତି ମଧ୍ୟ ଆଣି ଦେଇଛି। ପାଣି ପାଇବା ପାଇଁ ଲାଗୁଥିବା ଆମର ସମୟ ସଞ୍ଚୟ ହେଉଛି ଯାହାକୁ କୃଷି ପାଇଁ ବ୍ୟବହାର କରାଯାଇ ପାରିବ।”

ଏଫଏମସି ସାରା ଭାରତରେ ଆହୁରି ପାଞ୍ଚଟି ରାଜ୍ୟ ଅନ୍ତର୍ଭୁକ୍ତ କରିବା ପାଇଁ ପରିଯୋଜନାକୁ ବିସ୍ତାର କରୁଛି ଏବଂ 2021 ରେ ଚୟନ କରାଯାଇଥିବା ରାଜ୍ୟଗୁଡ଼ିକରେ 35 ପର୍ଯ୍ୟନ୍ତ ସାମୁଦାୟିକ ଜଳ ବିଶୋଧନ ୟୁନିଟ୍ ଆରମ୍ଭ କରିବ. ଏହିଭଳି ପ୍ଲାଣ୍ଟ ଗୁଡ଼ିକର ସଂଖ୍ୟା 2022 ପାଇଁ ମଧ୍ୟ ନିର୍ଦ୍ଧାରିତ କରାଯାଇଛି. କୃଷକ ସମ୍ପ୍ରଦାୟ ମାନଙ୍କ ପାଇଁ ସୁରକ୍ଷିତ ଓ ବିଶ୍ଵାସନୀୟ ଜଳ ଉତ୍ସ ପର୍ଯ୍ୟନ୍ତ ପହଞ୍ଚ ସେମାନଙ୍କର ଜଳ ସଂଗ୍ରହର ଦୈନିକ ସଂଘର୍ଷକୁ କମ କରିବ ଓ ଏହି ସମୟ ଆୟ ସୃଷ୍ଟି ଓ ଧାରଣଯୋଗ୍ୟ କୃଷି ପାଇଁ ଅନ୍ୟ ଉପାୟରେ ନିବେଶ କରାଯାଇପାରିବ।

ସୁରକ୍ଷିତ ଜଳ ଅଭିଯାନର ଏକ ବିସ୍ତାର ଭାବରେ, କମ୍ପାନୀ କୃଷକମାନଙ୍କୁ ମୃଦୁ ଜଳ ସମ୍ବଳର ସ୍ଥାୟୀ ପରିଚାଳନାକୁ ବଢାଇବା ପାଇଁ ଶ୍ରେଷ୍ଠ ପଦ୍ଧତି ଉପରେ ପ୍ରଶିକ୍ଷିତ କରୁଛି. ଉଦାହରଣ ସ୍ୱରୂପ, ବିଶ୍ୱ ଜଳ ଦିବସ 2021 ଅବସରରେ ଏଫଏମସି 18 ରାଜ୍ୟରେ 400 ରୁ ଅଧିକ କୃଷକ ବୈଠକ ଆୟୋଜନ କରି ଗ୍ରାମୀଣ ଅଞ୍ଚଳରେ ସଚେତନତା ଅଭିଯାନ ଆରମ୍ଭ କରିଛି, ଯାହାକି ସାରା ଦେଶରେ 14,000 ରୁ ଅଧିକ କୃଷି ସମୁଦାୟ ନିକଟରେ ପହଞ୍ଚିଛି. କୃଷିରେ ଜଳ ପରିଚାଳନାକୁ ପ୍ରୋତ୍ସାହିତ କରିବାରେ ସାହାଯ୍ୟ କରିବା ପାଇଁ, କୃଷକମାନଙ୍କ ସହିତ 4,000 ରୁ ଅଧିକ ଏଫଏମସି ବୈଷୟିକ କ୍ଷେତ୍ର ବିଶେଷଜ୍ଞମାନେ କୃଷକମାନଙ୍କ ସହ କୃଷି କ୍ଷେତ୍ରରେ ସ୍ଥାୟୀ ବୃଦ୍ଧି କରିବା ପାଇଁ ଏବଂ ଜଳ ବ୍ୟବହାର କୁ ଉନ୍ନତ କରିବା, ଦକ୍ଷତା ବୃଦ୍ଧି କରିବା ଓ ଜଳ ସଂରକ୍ଷଣ କରିବା ପାଇଁ ବିଭିନ୍ନ ପଦ୍ଧତି ଗୁଡ଼ିକୁ ଅଂଶୀଦାର କରିଛି।

ସୁରକ୍ଷିତ ଜଳ ପଦକ୍ଷେପ ବ୍ୟତୀତ, ଏଫଏମସି, ଯାହାକି ଭାରତରେ କୃଷକମାନଙ୍କୁ ଅନୁକୂଳିତ ସମାଧାନ ପ୍ରଦାନ କରୁଥିବା ସ୍ଥାନୀୟ ଗବେଷଣା ଓ ବିକାଶ ଚେଷ୍ଟା ମାଧ୍ୟମରେ ବିକଶିତ ଅଭିନବ ପ୍ରଯୁକ୍ତି ସହିତ କୃଷକ ମାନଙ୍କୁ ସହାୟତା କରୁଥିବା ଅଗ୍ରଣୀ ଫସଲ ସୁରକ୍ଷା କମ୍ପାନୀଗୁଡ଼ିକ ମଧ୍ୟରୁ ଅନ୍ୟତମ ଅଟେ, ଯାହାକି ଭାରତରେ କୃଷକ ସମ୍ପ୍ରଦାୟର ଜୀବନଶୈଳୀ ସୁଧାର କରି ଏବଂ ସ୍ଥିରତା ବଢାଇବା ପାଇଁ ଅନ୍ୟାନ୍ୟ ପରିଯୋଜନାଗୁଡ଼ିକ ଉପରେ ସକ୍ରିୟ ଭାବରେ କାମ କରୁଛି. କମ୍ପାନୀର କାର୍ଯ୍ୟ କେବଳ ସ୍ୱଚ୍ଛ ଜଳ ଓ ସ୍ୱଚ୍ଛତାର ସ୍ଥାୟୀ ବିକାଶ ଲକ୍ଷ୍ୟକୁ ସମର୍ଥନ କରିବା ଉପରେ ଧ୍ୟାନ କେନ୍ଦ୍ରିତ କରାଯାଇନଥାଏ, ବରଂ ତା ସହିତ ଏହା କେହି ଭୋକ ରେ ନ ରହିବାକୁ ମଧ୍ୟ ନିଶ୍ଚିତ କରିଥାଏ।

ଏଫଏମସି ର ମୂଳ ଲକ୍ଷ୍ୟ ମଧ୍ୟରୁ ଗୋଟିଏ ହେଲା ସ୍ଥିରତା, ଏହା କୃଷକମାନଙ୍କୁ ଏକ ସୁସ୍ଥ ଓ ସୁରକ୍ଷିତ ଖାଦ୍ୟ ଯୋଗାଣ ବଜାୟ ରଖିବା ପାଇଁ କମ୍ପାନୀର ସମର୍ପଣ ର ମୂଳ ଲକ୍ଷ୍ୟ ଅଟେ. ଆମର ଟିମ୍ ଗୁଡ଼ିକ ସମାଧାନ ଓ ଜ୍ଞାନ ପ୍ରଦାନ କରିବା ପାଇଁ ଚବିଶ ଘଣ୍ଟା କାମ କରନ୍ତି ଯାହାକି କୃଷି ଉତ୍ପାଦକତା କୁ ବଢାଇଥାଏ ଓ ବିଶ୍ୱରେ କୃଷକମାନଙ୍କର ଜୀବନ ଓ ଜୀବନଶୈଳୀକୁ ସମୃଦ୍ଧ କରିଥାଏ।

ଗତ ବର୍ଷ ଆଖୁ କୃଷକମାନଙ୍କ ପାଇଁ ଏକ ପାଇଲଟ୍ ପରିଯୋଜନାରେ ଡିସିଏମ ଶ୍ରୀରାମ ଗ୍ରୁପ୍ ସହିତ ଏଫଏମସି ଭାଗୀଦାରୀ ହୋଇଛି, ଯାହାକି ସୁରକ୍ଷିତ ଜଳ, ଉତ୍ତମ କୃଷିଗତ ପଦ୍ଧତି, ଫସଲ ସୁରକ୍ଷା ଉତ୍ପାଦ ଓ ଗ୍ରାମୀଣ ବିକାଶର ବିଚାରପୂର୍ଣ୍ଣ ବ୍ୟବହାର ଉପରେ ଧ୍ୟାନ କେନ୍ଦ୍ରିତ କରିଛି। 2020 ମସିହାରେ ଉତ୍ତମ କୃଷି ପଦ୍ଧତି ଉପରେ ଅନେକ ସଚେତନତା ଓ ପ୍ରଶିକ୍ଷଣ କ୍ୟାମ୍ପ ମାଧ୍ୟମରେ ଏହା 3.2 ମିଲିଅନ୍ କୃଷକଙ୍କ ନିକଟରେ ପହଞ୍ଚି ସାରିଛି।

(ଆର୍ଟିକଲ୍ ସୋର୍ସ: /a1)