ಸುಸ್ಥಿರ ಕೃಷಿಯನ್ನು ಉತ್ತೇಜಿಸುವ ತನ್ನ ಬದ್ಧತೆಗೆ ಅನುಗುಣವಾಗಿ, ಎಫ್ಎಂಸಿ ಇಂಡಿಯಾವು, ರೈತರಲ್ಲಿ ನಿರ್ವಹಣೆಯ ಮಹತ್ವವನ್ನು ಸಾರುವ ರಾಷ್ಟ್ರವ್ಯಾಪಿ ಅಭಿಯಾನ, ಹಾಗೂ ದೇಶಾದ್ಯಂತ ಸಸಿಗಳನ್ನು ನೆಡುವ ಕಾರ್ಯದೊಂದಿಗೆ ಜೂನ್ 5, 2021 ರಂದು ವಿಶ್ವ ಪರಿಸರ ದಿನವನ್ನು ಆಚರಿಸಿತು.
ಮುಂಬರುವ ಮುಂಗಾರು ಕಾಲವನ್ನು ಗಮನದಲ್ಲಿರಿಸಿ, ಎಫ್ಎಂಸಿಯು 16 ರಾಜ್ಯಗಳಲ್ಲಿ 730 ರೈತರ ಸಭೆಗಳನ್ನು ಆಯೋಜಿಸಿ, 28,000 ಕ್ಕಿಂತ ಹೆಚ್ಚು ರೈತರನ್ನು ತಲುಪಿದೆ. ಕಂಪನಿಯ ತಾಂತ್ರಿಕ ಕ್ಷೇತ್ರ ಪರಿಣಿತರು ರೈತರಿಗೆ ಉತ್ಪನ್ನದ ನಿರ್ವಹಣೆ ಮತ್ತು ಕೃಷಿ ಉತ್ಪಾದಕತೆಯನ್ನು ಹೆಚ್ಚಿಸಲು ಮತ್ತು ಪರಿಸರಕ್ಕೆ ಆಗುವ ಹಾನಿಯನ್ನು ಕಡಿಮೆ ಮಾಡಲು ಕೃಷಿ ಉತ್ಪನ್ನಗಳ ದಕ್ಷ, ಸುರಕ್ಷಿತ ಮತ್ತು ನ್ಯಾಯಯುತ ಬಳಕೆಯ ಬಗ್ಗೆ ಮಾಹಿತಿ ನೀಡಿದರು. ಅವುಗಳು ಡೋಸ್ ದರಗಳು, ಬಳಕೆಯ ಉಪಕರಣಗಳ ಸರಿಯಾದ ನಿರ್ವಹಣೆ, ಸರಿಯಾದ ಮಿಶ್ರಣ ಮತ್ತು ಸಿಂಪಡಣೆ ತಂತ್ರಗಳಂತಹ ಉತ್ತಮ ಕೃಷಿ ಪದ್ಧತಿಗಳ ತರಬೇತಿಗಳನ್ನು ಒಳಗೊಂಡಿವೆ.
ಎಫ್ಎಂಸಿ ಇಂಡಿಯಾದ ಅಧ್ಯಕ್ಷರಾದ ಶ್ರೀ ಪ್ರಮೋದ್ ಥೋಟ ಅವರು ಹೇಳಿದರು- "ಈ ವರ್ಷ ವಿಶ್ವ ಪರಿಸರ ದಿನಾಚರಣೆಗೆ ನಮ್ಮ ಒತ್ತು ಸುಸ್ಥಿರ ಕೃಷಿಯನ್ನು ಹೆಚ್ಚಿಸುವ ಉತ್ತಮ ಪದ್ಧತಿಗಳ ಬಗ್ಗೆ ರೈತರಿಗೆ ಶಿಕ್ಷಣ ನೀಡುವುದಾಗಿದೆ. ಸುಸ್ಥಿರತೆಯು ಎಫ್ಎಂಸಿಯ ಪ್ರಮುಖ ಮೌಲ್ಯಗಳಲ್ಲಿ ಒಂದಾಗಿದೆ ಮತ್ತು ಭಾರತದಲ್ಲಿ ರೈತರಿಗೆ ಬೆಂಬಲ ನೀಡುವ ವೆಚ್ಚ-ಪರಿಣಾಮಕಾರಿ, ಕೃಷಿ-ಪರಿಸರ ತಂತ್ರಜ್ಞಾನಗಳನ್ನು ಅಭಿವೃದ್ಧಿಪಡಿಸಲು ನಾವು ಕೆಲಸ ಮಾಡುತ್ತಿದ್ದೇವೆ. ಉತ್ತಮ ಭವಿಷ್ಯಕ್ಕಾಗಿ ಸುಸ್ಥಿರ ಕೃಷಿ ಪದ್ಧತಿಗಳನ್ನು ಉತ್ತೇಜಿಸಲು, ನಮ್ಮ 2,000 ಕ್ಕಿಂತ ಹೆಚ್ಚು ತಾಂತ್ರಿಕ ಕ್ಷೇತ್ರ ಪರಿಣತರು ವರ್ಷದಲ್ಲಿ ಎರಡು ದಶಲಕ್ಷಕ್ಕಿಂತ ಹೆಚ್ಚು ರೈತರೊಂದಿಗೆ ತೊಡಗಿಸಿಕೊಳ್ಳುತ್ತಾರೆ. ಪ್ರಾಜೆಕ್ಟ್ ಸಮರ್ಥ್ ಮತ್ತು ಉಗಮ್ ರೀತಿಯ ವಿವಿಧ ಉಪಕ್ರಮಗಳು ಮತ್ತು ಸಮುದಾಯ ಔಟ್‌ರೀಚ್ ಕಾರ್ಯಕ್ರಮಗಳ ಮೂಲಕ ಕೃಷಿ ಸಮುದಾಯವನ್ನು ಸಬಲೀಕರಣಗೊಳಿಸುವುದು ಮತ್ತು ಅವರ ಜೀವನಮಟ್ಟವನ್ನು ಹೆಚ್ಚಿಸುವುದು ನಮ್ಮ ಗುರಿಯಾಗಿದೆ.”
“ಮುಂದಕ್ಕೆ ಮಾತನಾಡಿ, ಎಫ್ಎಂಸಿಯು ನೈತಿಕ ಉತ್ಪನ್ನ ನಿರ್ವಹಣೆಗೆ ಮತ್ತು ಉತ್ಪನ್ನದ ಜೀವನಚಕ್ರದುದ್ದಕ್ಕೂ ಕೃಷಿ ಉತ್ಪನ್ನಗಳ ಸುರಕ್ಷಿತ, ಸುಸ್ಥಿರ ಮತ್ತು ನೈತಿಕ ಬಳಕೆಯನ್ನು ಉತ್ತೇಜಿಸಲು ಆಳವಾಗಿ ಬದ್ಧವಾಗಿದೆ" ಎಂದರು.
ಉತ್ಪನ್ನದ ನಿರ್ವಹಣೆಯು, ಉತ್ಪನ್ನದ ಸಂಶೋಧನೆಯಿಂದ ಹಿಡಿದು ಗ್ರಾಹಕರಿಂದ ಉತ್ಪನ್ನದ ಬಳಕೆಯವರೆಗೆ ಮತ್ತು ತ್ಯಾಜ್ಯ ಅಥವಾ ಖಾಲಿ ಡಬ್ಬಿಗಳ ಅಂತಿಮ ವಿಲೇವಾರಿಯವರೆಗೆ ಉತ್ಪನ್ನ ಜೀವನ ಚಕ್ರದ ಎಲ್ಲಾ ಹಂತಗಳನ್ನು ಸಂಪರ್ಕಿಸುತ್ತದೆ.
ಭಾರತದಲ್ಲಿ ಮೂರು ದಶಕಗಳಿಂದ ಸುಸ್ಥಿರತೆಯನ್ನು ತರಲು ಮತ್ತು ಇಳುವರಿಯನ್ನು ಸುಧಾರಿಸಲು ವಿವಿಧ ಬೆಳೆ ಸರಪಳಿ ಮತ್ತು ಭೌಗೋಳಿಕ ಪ್ರದೇಶದ ಭಾರತೀಯ ರೈತರೊಂದಿಗೆ ಪಾಲುದಾರಿಕೆ ಹೊಂದಿದೆ ಮತ್ತು ಕಂಪನಿಯ ಸುಸ್ಥಿರತೆಯ ಗುರಿಗಳಿಗೆ ಅನುಗುಣವಾಗಿ ತನ್ನ ಉತ್ಪನ್ನ ನಿರ್ವಹಣೆಯನ್ನು ಬಲಪಡಿಸುವ ಕಾರ್ಯಗಳಲ್ಲಿ ಹೆಚ್ಚು ಹೂಡಿಕೆ ಮಾಡಲು ಯೋಜಿಸಿದೆ.
ವಿಶ್ವ ಪರಿಸರ ದಿನದ ಸುತ್ತಲಿನ ಪ್ರಯತ್ನಗಳ ಭಾಗವಾಗಿ, ಎಫ್ಎಂಸಿ ಇಂಡಿಯಾವು ದೇಶಾದ್ಯಂತ 9,000 ಕ್ಕೂ ಹೆಚ್ಚು ಮರಗಳನ್ನು ನೆಟ್ಟಿದೆ.