पानोली, 24 मार्च 2023: एफएमसी कॉर्पोरेशन, अग्रगण्य कृषी विज्ञान कंपनी, यांना भारतातील राष्ट्रीय सुरक्षा परिषदेने (एनएससी) आपल्या पानोली उत्पादन संयंत्राच्या अनुकरणीय सुरक्षा कामगिरीसाठी चांदीची ट्रॉफी प्रदान केली आहे.
परिषदेचे सुरक्षा पुरस्कार 2022 चे उत्कृष्ट व्यावसायिक सुरक्षा आणि आरोग्य (ओएसएच) कामगिरी आणि कामाच्या ठिकाणी दुखापती कमी करण्यासाठी स्थिर वचनबद्धता असलेल्या उत्पादन क्षेत्रातील संस्थांना ओळखणे आणि मान्यता देणे हे उद्दिष्ट आहे. एनएससी सुरक्षा व्यावसायिकांच्या पॅनेलद्वारे मागील तीन वर्षांच्या सुरक्षा कामगिरीचा आढावा, संपूर्ण लेखापरीक्षण आणि तपासणी प्रक्रिया यांचा समावेश असलेल्या कठोर मूल्यांकनानंतर विजेत्यांची निवड केली जाते.
एफएमसी इंडियाचे अध्यक्ष श्री. रवि अन्नावारापू हे पुरस्कार मिळाल्यानंतर म्हणाले, "एफएमसी मध्ये सुरक्षेस प्राधान्य दिले जाते. आमचे ध्येय संस्थेच्या सर्व स्तरांवर सहभागी असलेल्या गतिशील सुरक्षा संस्कृतीद्वारे आमच्या कामगारांचे संरक्षण आणि सक्षमता करणे हे आहे. पानोली प्रकल्पातील प्रत्येक कर्मचाऱ्याने पर्यावरणीय, आरोग्य आणि सुरक्षा मानकांमध्ये सुधारणा करण्यासाठी केलेल्या अथक परिश्रमाचे एनएससीने कौतुक करावे हा मोठा सन्मान आहे. आम्हाला हे सांगताना अभिमान वाटतो की पानोली उत्पादन प्रकल्प सलग 500 दिवसांपेक्षा जास्त काळापासून दुखापत-मुक्त आहे आणि आम्ही आमची सुरक्षा वचनबद्धता कायम ठेवू आणि आमच्या कर्मचाऱ्यांसाठी प्रत्येक दिवशी सुरक्षित कामकाजाचा दिवस बनवू.”
एफएमसी ही देशभरातील उत्पादन क्षेत्रातील मान्यतेसाठी 600 मधून निवडलेल्या 18 संस्थांपैकी एक होती. पानोली प्रकल्पास चांदीची ट्रॉफी मिळण्याची ही पहिलीच वेळ आहे, यापूर्वी परिषद सुरक्षा पुरस्कार 2021 आणि 2019 मध्ये प्रशंसा प्रमाणपत्रांसह या प्रकल्पास गौरवण्यात आले होते. पानोली उत्पादन साईटचे प्रकल्प व्यवस्थापक श्री. मनोज खन्ना यांनी एफएमसीच्या वतीने एनएससीच्या 13 व्या सुरक्षा, आरोग्य आणि पर्यावरण संबंधी राष्ट्रीय परिषद आणि एक्स्पो येथे पुरस्कार स्वीकारला.
एचएसईमध्ये उदयोन्मुख आव्हानांचा सामना करण्यासाठी आरोग्य, सुरक्षा आणि पर्यावरण (एचएसई) चा प्रचार करण्यासाठी आणि तांत्रिक कौशल्य आणि क्षमता निर्माण करण्यासाठी 1966 मध्ये भारत सरकारच्या कामगार मंत्रालयाने एनएससीची स्थापना केली होती.
एफएमसी विषयी
एफएमसी कॉर्पोरेशन ही एक जागतिक कृषी विज्ञान कंपनी आहे जी उत्पादकांना बदलत्या वातावरणाशी जुळवून घेत वाढत्या जागतिक लोकसंख्येसाठी अन्न, खाद्य, फायबर आणि इंधन तयार करण्यात मदत करण्यासाठी समर्पित आहे.. एफएमसीचे नाविन्यपूर्ण पीक संरक्षण उपाय - जैविक, पीक पोषण, डिजिटल आणि अचूक कृषी सहित - उत्पादक, पीक सल्लागार आणि हरळी (टर्फ) आणि कीटक व्यवस्थापन व्यावसायिकांना पर्यावरणाचे संरक्षण करताना आर्थिकदृष्ट्या त्यांच्या सर्वोत्तम आव्हानांचे निवारण करण्यास सक्षम करतात. जगभरात 100 हून अधिक कार्यस्थळावर अंदाजित 6,400 कर्मचाऱ्यांसह, एफएमसी नवीन तणनाशक, कीटकनाशक आणि बुरशीनाशक सक्रिय घटक, उत्पादन तयार करणे आणि ग्रहासाठी सातत्याने चांगले असणारे अग्रणी तंत्रज्ञान शोधण्यासाठी वचनबद्ध आहे. अधिक जाणून घेण्यासाठी भेट द्या fmc.com आणि ag.fmc.com/in/en आणि एफएमसी इंडियाला फेसबुक® आणि यू-ट्यूब®वर फॉलो करा.