କୀଟନାଶକଗୁଡିକର ଖରାପ ପରିଚାଳନା ସମସ୍ୟା ମହାରାଷ୍ଟ୍ରରେ ଦୀର୍ଘ ଦିନରୁ ଚାଲି ଆସୁଛି. ବିଶେଷ କରି 2017 ବିପର୍ଯ୍ୟସ୍ତ ଥିଲା, କାରଣ ସେହି ବର୍ଷ ହିଁ ୟବତମାଲ ଏବଂ ଏହାର ଆଖପାଖ ଜିଲ୍ଲାଗୁଡିକରେ ଫସଲ ସୁରକ୍ଷା ଉତ୍ପାଦଗୁଡିକର ଅନୁପଯୁକ୍ତ ବ୍ୟବହାର ହେତୁ 30 କୃଷକ ଏବଂ କୃଷି ଶ୍ରମିକଙ୍କର ମୃତ୍ୟୁ ଘଟିଥିଲା. ଏହା ପର ଠାରୁ ମହାରାଷ୍ଟ୍ର ର କୃଷି ବିଭାଗ ବିଭିନ୍ନ କୃଷି-ରାସାୟନିକ କମ୍ପାନୀ ସହଯୋଗରେ କୀଟନାଶକ ଗୁଡିକର ସୁରକ୍ଷିତ ବ୍ୟବହାର ବିଷୟରେ ସଚେତନତା ସୃଷ୍ଟି କରିବା ପାଇଁ ଏକ କାର୍ଯ୍ୟକ୍ରମ ଆରମ୍ଭ କରିଛି।
ଆମେ ସମସ୍ତ କୃଷକ ସହାୟତା କେନ୍ଦ୍ରରେ ଏଫଏମସି ପରିଚାଳନା କାର୍ଯ୍ୟକ୍ରମକୁ ଆମର ମୁଖ୍ୟ ଦାୟିତ୍ୱ ଭାବରେ ଗ୍ରହଣ କରିଛୁ. 2018 ଓ 2019 ରେ, ଏଫଏମସି, କୃଷି ବିଭାଗ ସହଯୋଗରେ ଚନ୍ଦ୍ରପୁର ଜିଲ୍ଲାରେ ଏହି ପ୍ରସଙ୍ଗରେ ବ୍ୟାପକ ସଚେତନତା ସୃଷ୍ଟି କରିଛି. ଚଳିତ ବର୍ଷ ଅକୋଲା ଜିଲ୍ଲାର କୃଷକମାନଙ୍କ ପାଇଁ କୀଟନାଶକ ସୁରକ୍ଷା ସଚେତନତା କାର୍ଯ୍ୟକ୍ରମ ଆୟୋଜନ କରିବା ପାଇଁ ଏଫଏମସି କୁ ଏକ ନୋଡାଲ କମ୍ପାନୀ ଭାବରେ ନିଯୁକ୍ତି ଦିଆଯାଇଛି।
କୃଷି ବିଭାଗ, ସ୍ୱାସ୍ଥ୍ୟ ବିଭାଗ ଏବଂ କେଭିକେ ସହିତ ସହଯୋଗରେ ଆମେ 
ଏହି ପ୍ରସଙ୍ଗ ଉପରେ ବିଭିନ୍ନ ଅଭିଯାନ ଚଳାଇଥାଉ। ଅଧିକ ପ୍ରଭାବୀ ହେବା ସୁନିଶ୍ଚିତ କରିବା ପାଇଁ ଜିଲ୍ଲା ଏବଂ ତାଳୁକା ସ୍ତରର ଅଧିକାରୀଙ୍କ ସହ ଭଲଭାବରେ ସମନ୍ୱୟ ରକ୍ଷା କରି ଭ୍ୟାନ୍ ଅଭିଯାନ ମଧ୍ୟ ଚାଲିଛି। ପ୍ରଥମ ଭ୍ୟାନ୍ ଅଭିଯାନକୁ ମାନ୍ୟବର ଶ୍ରୀଯୁକ୍ତ ଜିତେନ୍ଦ୍ର ପାପଡକର ନିଜେ ଉଦଘାଟନ କରିଥିଲେ।
ଏଟିଏମଏ (କୃଷି ପ୍ରଯୁକ୍ତିବିଦ୍ୟା ପରିଚାଳନା ପ୍ରତିଷ୍ଠାନ) ର ସହଯୋଗରେ, ଆମେ କେବଳ ଅକୋଲା ଜିଲ୍ଲାରେ ନୁହେଁ ବରଂ ଆଖପାଖ ଅନ୍ୟ 4ଟି ଜିଲ୍ଲାରେ ମଧ୍ୟ ହଜାର ହଜାର ଚାଷୀଙ୍କୁ ପିପିଇ କିଟ୍ ବଣ୍ଟନ କରୁଛୁ. ପ୍ରତ୍ୟେକ କିଟ୍ ରେ ଆପ୍ରନ୍, ମାସ୍କ, ଚକ୍ଷୁ ସୁରକ୍ଷା ଉପକରଣ ଏବଂ ଗ୍ଲୋଭ୍ସ ଅନ୍ତର୍ଭୁକ୍ତ ରହିଛି. କୃଷକଙ୍କର ଏକ ସୀମିତ ଗୋଷ୍ଠୀକୁ ନେଇ ବୈଠକ ଆୟୋଜନ କରିବା ଏବଂ ପିପିଇ କିଟ୍ ର ବ୍ୟବହାର ଏବଂ ଗୁରୁତ୍ୱ ଉପରେ ତାଲିମ ଦେବା ପାଇଁ ଭ୍ୟାନ୍ ଅଭିଯାନ ବ୍ୟବହାର କରାଯାଉଛି. ଟିଏଓ (ତାଳୁକା କୃଷି ଅଧିକାରୀ) ମାନେ ମଧ୍ୟ ଆମର ଅଭିଯାନରେ ଅଂଶଗ୍ରହଣ କରିଥିଲେ ଏବଂ ବିଭିନ୍ନ ଫସଲରେ କୀଟନାଶକ ର ସୁରକ୍ଷିତ ବ୍ୟବହାର ବିଷୟରେ କୃଷକ ଏବଂ କୃଷି ଶ୍ରମିକମାନଙ୍କୁ ସୂଚନା ଦେଇଥିଲେ।
ଏ ପର୍ଯ୍ୟନ୍ତ, ଏହି ଅଭିଯାନ ଅଧୀନରେ ଆମେ 115ଟି ଗାଁର 5000 ରୁ ଅଧିକ କୃଷକ ଏବଂ କୃଷି ଶ୍ରମିକଙ୍କ ପାଖରେ ପହଞ୍ଚିଛୁ. ଆମେ ଆମର ଅଭିଯାନର ପରିସର ବିସ୍ତାର କରିବା ପାଇଁ ଏବଂ ଫସଲ ସୁରକ୍ଷା ଉତ୍ପାଦଗୁଡିକର ସୁରକ୍ଷିତ ବ୍ୟବହାର ସୁନିଶ୍ଚିତ କରିବା ପାଇଁ ରାଜ୍ୟ ସରକାରଙ୍କ ସହ ମିଳିତ ଭାବରେ କାର୍ଯ୍ୟ କରି ସଚେତନତା ବୃଦ୍ଧି କରିବା ପାଇଁ ପ୍ରତିଶ୍ରୁତିବଦ୍ଧ ଅଟୁ।