ଏଫଏମସି ଏକ ଅତ୍ୟାଧୁନିକ ପ୍ରଯୁକ୍ତି ଉଦ୍ଭାବନକାରୀ ହେବା ସହିତ ଏହା ଭାରତର ଗ୍ରାମୀଣ ସମ୍ପ୍ରଦାୟ ଗୁଡ଼ିକର ବୃଦ୍ଧି ଓ ବିକାଶ ପାଇଁ ମଧ୍ୟ ପ୍ରତିଶ୍ରୁତିବଦ୍ଧ ଅଟେ, ଏବଂ ଏହା କୃଷକମାନଙ୍କୁ କୃଷି ପାଇଁ ଅନୁକୂଳିତ ଓ ସ୍ଥାୟୀ ସମାଧାନ ଦେବାରେ ସହାୟତା ପ୍ରଦାନ କରିଥାଏ।
ଏଫଏମସି ସଂଯୁକ୍ତ ରାଷ୍ଟ୍ର ସ୍ଥାୟୀ ବିକାଶ ଲକ୍ଷ୍ୟ (ଏସଡିଜି) 6.1 ପାଇଁ ପ୍ରତିଶ୍ରୁତିବଦ୍ଧ, ଯାହାକି 2030 ସୁଦ୍ଧା ସମସ୍ତଙ୍କ ପାଇଁ ସୁରକ୍ଷିତ ଓ ଶସ୍ତା ପାନୀୟ ଜଳ ଯୋଗାଣ ଉପରେ ଗୁରୁତ୍ୱ ଦେଉଛି. ୟୁଏନ୍ ରିପୋର୍ଟ ଅନୁସାରେ ଜଳ ଗୁଣବତ୍ତା ସୂଚୀରେ ଭାରତ 122 ଗୋଟି ଦେଶ ମଧ୍ୟରେ 120 ତମ ସ୍ଥାନରେ ଅଛି ଏବଂ ଭାରତରେ ଜଳ ଆପୂର୍ତ୍ତି ର ପ୍ରାୟ 70 ଶତକଡା ଦୂଷିତ ହେବାର ଆଶଙ୍କା ରହିଛି. ଭାରତରେ ସୁରକ୍ଷିତ ପାନୀୟ ଜଳର ଅଭାବ ଦେଶର ସ୍ୱାସ୍ଥ୍ୟସେବା, ସାମାଜିକ ଓ ଆର୍ଥିକ କ୍ଷେତ୍ର ଗୁଡ଼ିକୁ ପ୍ରଭାବିତ କରିଥାଏ।
ଭାରତରେ 163 ମିଲିଅନ୍ ରୁ ଅଧିକ ଲୋକ ନିଜର ଦୈନନ୍ଦିନ ଆବଶ୍ୟକତା ପୂରଣ କରିବା ପାଇଁ ପାନୀୟ ଜଳ ପାଉନାହାନ୍ତି. ପରିଣାମସ୍ୱରୂପ, ଭାରତରେ ପ୍ରାୟ 400 ମିଲିଅନ୍ ଲୋକମାନେ ଡାଇରିଆ ରୋଗ ଦ୍ୱାରା ପ୍ରଭାବିତ ହୋଇଥାନ୍ତି ଓ ପ୍ରତ୍ୟେକ ଦିନ 500 ରୁ ଅଧିକ ପିଲାମାନେ ଡାଇରିଆ ରେ ମୃତ୍ୟୁବରଣ କରିଥାନ୍ତି. ମହିଳା ଓ ଝିଅମାନଙ୍କ ଦ୍ୱାରା ଦୂର ଏବଂ ଅସୁରକ୍ଷିତ ସ୍ଥାନରୁ ପାଣି ଆଣିବା ପାଇଁ ଅତିବାହିତ ହେଉଥିବା ଲକ୍ଷ ଲକ୍ଷ ଘଣ୍ଟା ସମୟ ସହିତ ଜଳଜନିତ ରୋଗ ଯୋଗୁଁ ପ୍ରତ୍ୟେକ ବର୍ଷ ଅଧା ବିଲିଅନ୍ ଡଲାର୍ ମୂଲ୍ୟର କାର୍ଯ୍ୟଦିବସ ନଷ୍ଟ ହୋଇଯାଏ. ଉତ୍ତର ପ୍ରଦେଶ ରାଜ୍ୟର ଗ୍ରାମାଞ୍ଚଳରେ ରହୁଥିବା 70% ଜନସଂଖ୍ୟା ମଧ୍ୟରେ ଜଳ ସମସ୍ୟା ଅତ୍ୟନ୍ତ ଗମ୍ଭୀର ହୋଇଛି।
ଏଫଏମସି ଭାରତରେ ଗ୍ରାମୀଣ ସମ୍ପ୍ରଦାୟ ଗୁଡ଼ିକ ପାଇଁ ସମ୍ଭାବ୍ୟ ଜଳକୁ ସୁଲଭ କରିବା ପାଇଁ ଏକ ବହୁ-ବର୍ଷ କାର୍ଯ୍ୟକ୍ରମ - ସମର୍ଥ କୁ ଗ୍ରହଣ କରିଛି. ସମର୍ଥ (ସମର୍ଥ ଏକ ହିନ୍ଦୀ ଶବ୍ଦ ଯାହାର ଅର୍ଥ ହେଉଛି ସଶକ୍ତ) 2019 ରେ ଉତ୍ତର ପ୍ରଦେଶ ରୁ ଆରମ୍ଭ ହୋଇଛି ଏବଂ ବର୍ତ୍ତମାନ ଭାରତରେ ଆହୁରି ଅଧିକ ରାଜ୍ୟ ଗୁଡ଼ିକରେ ବିସ୍ତାର କରାଯାଉଛି।
ଫେଜ୍ 1, 2019 ବାବଦରେ ସଂକ୍ଷିପ୍ତ ସୂଚନା
- ଉତ୍ତର ପ୍ରଦେଶରେ 15 ଜଳ ବିଶୋଧନ ପ୍ଲାଣ୍ଟ ର ସ୍ଥାପନା କରାଯାଇଛି, ଯାହାର ପ୍ରତି ଘଣ୍ଟାରେ 2000 ଲିଟର ଓ ପ୍ରତି ଦିନ 48 କିଲୋ ଲିଟର ଫିଲ୍ଟର କରିବାର ସାମର୍ଥ୍ୟ ରହିଛି।
- 60 ହିତାଧିକାରୀ ଗ୍ରାମ, ପ୍ରାୟ 40000 ଆବଶ୍ୟକୀୟ କୃଷକ ପରିବାରଙ୍କୁ ସେବା ଯୋଗାଇ ଦିଆଯାଇଛି।
- ବିତରଣ ୟୁନିଟ୍ ଗୁଡ଼ିକୁ ସ୍ୱାଇପ୍ କାର୍ଡ ଦ୍ୱାରା ନିୟନ୍ତ୍ରଣ କରାଯାଏ. ପ୍ରତ୍ୟେକ ଥର ସ୍ଵାଇପ୍ ଦ୍ୱାରା 20 ଲିଟର ରିଲିଜ୍ ହୋଇଥାଏ।
- ପ୍ରତ୍ୟେକ ପରିବାର ପାଇଁ ଦିନକୁ 18-20-ଲିଟର ଜଳ ଆବଣ୍ଟନ ସହିତ ଏକ ସ୍ଵାଇପ୍ କାର୍ଡ ମିଳିବ।
- ସମବାୟ ଭିତ୍ତିରେ ଏହି ପ୍ଲାଣ୍ଟଗୁଡିକ ଗ୍ରାମ ର ଗୋଷ୍ଠୀଗୁଡିକ ଦ୍ୱାରା ପରିଚାଳିତ ହୋଇଥାଏ. ଏଫଏମସି କର୍ମଚାରୀ ପ୍ରଶିକ୍ଷଣ ଓ ପରିଚାଳନା ଉପରେ ସ୍ଥାନୀୟ ଗୋଷ୍ଠୀକୁ ସହାୟତା ପ୍ରଦାନ କରିଥାଆନ୍ତି।
ଫେଜ୍ 2, 2020 ବାବଦରେ ସଂକ୍ଷିପ୍ତ ସୂଚନା
- ଉତ୍ତର ପ୍ରଦେଶରେ 20 କମ୍ୟୁନିଟି ୱାଟର ଫିଲଟ୍ରେସନ୍ ପ୍ଲାଣ୍ଟ ର ସ୍ଥାପନା ଚାଲିଛି।
- ପଞ୍ଜାବ ରାଜ୍ୟରେ 9 କମ୍ୟୁନିଟି ୱାଟର ଫିଲଟ୍ରେସନ୍ ପ୍ଲାଣ୍ଟ ର ସ୍ଥାପନା ଚାଲିଛି।
- 100 ହିତାଧିକାରୀ ଗ୍ରାମ, ପ୍ରାୟ 80,000 ଟି ଅଭାବୀ କୃଷକ ପରିବାର ଗୁଡ଼ିକୁ ସେବା ଯୋଗାଇଦେବା ପାଇଁ ଲକ୍ଷ୍ୟ ରଖାଯାଇଛି।
- ବିତରଣ ୟୁନିଟ୍ ଗୁଡ଼ିକୁ ସ୍ୱାଇପ୍ କାର୍ଡ ଦ୍ୱାରା ନିୟନ୍ତ୍ରଣ କରାଯାଏ. ପ୍ରତ୍ୟେକ ଥର ସ୍ଵାଇପ୍ ଦ୍ୱାରା 20 ଲିଟର ରିଲିଜ୍ ହୋଇଥାଏ।
- ପ୍ରତ୍ୟେକ ପରିବାର ପାଇଁ ଦିନକୁ 18-20-ଲିଟର ଜଳ ଆବଣ୍ଟନ ସହିତ ଏକ ସ୍ଵାଇପ୍ କାର୍ଡ ମିଳିବ।
- ଏଫଏମସି କର୍ମଚାରୀ ପ୍ରଶିକ୍ଷଣ ଓ ପରିଚାଳନା ଉପରେ ସ୍ଥାନୀୟ ଗୋଷ୍ଠୀକୁ ସହାୟତା ପ୍ରଦାନ କରିଥାଆନ୍ତି।
