ଆରାଜେନ୍ ଲାଇଫ୍ ସାଇନ୍ସ (ପୂର୍ବରୁ ଯାହା ଜିଭିକେ ବାୟୋ ଥିଲା) ଏବଂ ଏଫଏମସି କର୍ପୋରେସନ୍ ଏକ ରଣନୀତିକ ଭାଗୀଦାରୀରେ ସାମିଲ ହେବା ପାଇଁ ରାଜି ହୋଇଛନ୍ତି. ଏହି ସହଭାଗୀତା ମାଧ୍ୟମରେ ଆରାଜେନ୍ ରସାୟନ ବିଜ୍ଞାନରେ ଉଦ୍ଭାବନ, ଜୀବବିଜ୍ଞାନରେ ଉଦ୍ଭାବନ ଓ ରାସାୟନିକ ପ୍ରକ୍ରିୟା ବିକାଶ ସହିତ ଏଫଏମସି ର ବୈଶ୍ଵିକ ଉଦ୍ଭାବନ ଓ ବିକାଶ କ୍ଷେତ୍ରରେ ସହଯୋଗ କରିବ।
ଏହି ଭାଗୀଦାରୀ ଏଫଏମସି କର୍ପୋରେସନ ର କୃଷି-ରାସାୟନିକ ପାଇପଲାଇନ୍ କୁ ତ୍ୱରାନ୍ୱିତ କରିବା ଉପରେ ଧ୍ୟାନ କେନ୍ଦ୍ରିତ କରିଥାଏ. "ନିଜର ଦୀର୍ଘକାଳୀନ ସହଭାଗୀତା ମାଧ୍ୟମରେ ଫସଲ ବିଜ୍ଞାନରେ ସାରା ବିଶ୍ଵର ଅନ୍ୟତମ ଅଗ୍ରଣୀ ସଂସ୍ଥା ଏଫଏମସି କୁ ନିଜର ଅନୁସନ୍ଧାନ ଓ ବିକାଶ କ୍ଷେତ୍ରକୁ ତ୍ୱରାନ୍ୱିତ କରିବାରେ ସାହାଯ୍ୟ କରିବା ଆମ ପାଇଁ ସୌଭାଗ୍ୟର କଥା. ଆରାଜେନ୍ ର ଅଧ୍ୟକ୍ଷ ମନ୍ନି କାଣ୍ଟିପୁଡି କହିଛନ୍ତି, "ଅନୁସନ୍ଧାନ ଓ ବିକାଶର ସମସ୍ତ ପକ୍ଷ ମାଧ୍ୟମରେ ଏହି ସହଯୋଗର ବିସ୍ତାର ଆରାଜେନ୍ ରେ ଏଫଏମସି ର ବିଶ୍ଵାସ ଓ ଭରସା ର ପ୍ରମାଣ ଅଟେ - ଯାହାକି ଆମେ ଆମର ଅଂଶୀଦାରଙ୍କ ପାଇଁ ଏହିଭଳି ଅନେକ ସଫଳତାର କାହାଣୀ ଆଗକୁ ବଢାଇବା ପାଇଁ ଆଶା କରୁଛୁ"।
ଏଫଏମସି କର୍ପୋରେସନରେ ଗବେଷଣା ଓ ବିକାଶର ମୁଖ୍ୟ ପ୍ରଯୁକ୍ତି ଅଧିକାରୀ କ୍ୟାଥଲନ୍ ଶେଲ୍ଟନ୍ ଭାଗୀଦାରୀ ଅନୁବନ୍ଧ ସମ୍ପର୍କରେ ଆଲୋଚନା କରି କହିଛନ୍ତି, "ଆରାଜେନ୍ ଅନେକ ବର୍ଷରୁ ଏଫଏମସି ର ଜଣେ ମୂଲ୍ୟବାନ ସହଯୋଗୀ ହୋଇ ରହିଆସିଛି।'' ସେ ଆହୁରି ମଧ୍ୟ କହିଛନ୍ତି, "ଏହି ଭାଗୀଦାରୀ ଅନୁସନ୍ଧାନ ଓ ବିକାଶର ଅନେକ କ୍ଷେତ୍ର ମଧ୍ୟକୁ ବିସ୍ତାର ଲାଭ କରିଛି ଓ କାର୍ଯ୍ୟ କ୍ଷେତ୍ରରେ ଆମେ ଆମର ଦୃଢ଼ ସଂପର୍କକୁ ପ୍ରଶଂସା କରୁଛୁ।"